Maraan xalayto faalada
Waayahan ku faafan
Fiirsaday aduunyada
Oon uur fayoobiyo
Faraciyo jacaylkaba
Firxadkooda maqaniyo
Farsamee dantaan idhi
Iga sii furfuratoo
Fooq waliba iga dumay
ALLAHAYOW fogaydee
Nafta meelan kala faqay fogayde
Dhibaato igu filaneey
Faraqaan ku haystee
Wali faalkii jacaylku
Ma igu soo fadhi xunyahay
Maraan xalayto falagiyo
Jacaylka igu fool adag
Waan feedh dalooshee
Foogadeeda guudiyo
Falanqee is idhiyoo
Fiidkaan shirkaan galay
Markuu ruux u foojigan
Talo faalo u sarakacay
Fikirkaan ku gaadhiyo
Maraan xalay ficilada
Farta la isu godo iyo
fool xumada jiidhay
Fule xantij ma moogee
Marna aan ku gooraray
Oon dayay falaadhaha
Ku farcamay naftaydiyo
Fakalookan caashaqa
Fahmadii igala tagay