Wan la qalay sidiisaad
Hilibkaygii wadhatoo
Waaxyahaygaa go'anbaad
Waraabaha ugu baaqdoo
Wagar habar dugaagbaad
Wacdayood u yeedhoo
Ku wiirsaad lahaydoo
Noloshaba ha waydee
Anuunbuu waydkaygiyo
Waqtigaygu galinoo
WAYNUHU i daayee
Waxba iilamaad hadhineey
Waxba kuulamuu hadhineey
Wabiga i sitee
I walwaalayaa
Xagee igu wadaa
Waydiiya oo waydiiya oo
Wad waa loo dhashee
Wax ka daran biyuhu
Miyay warinayaan
Warariyo jar dheer
Waadigan xargagan
Ha iga weecinoo
Ha iga waabine
Imisaan walwaal
Iyo ceel war dheer
Kaga baxay wadaan
Imisaan waheen
Wabi soo rogmaday
Igu daray bad wayn
Waxna aanan noqon
Adoo walax suniyo
Waabay cabaa
Waagu kuu baryaa
Wiririgo hadii wiririgo hadii
Wad lagaaga dhigo
Ma ogtahay waqtiga
Lama waabiyee
Waaceel jiriyo
Wehelbaynu nahay
Wanaagaan qabana
Waad ka wayraxdaa
Waan ku waaniyaa
Wacdigaad dhagaha waydaarisaa
Wanaagbaan sidaa
Jacaylbaan wadaa
Anoo waafiyaad
Wayd iga dhigtaa