Miyaan helay kuu hankaygu
Sanado badan haybinaayay
Miyaan helay kuu hilowga
Ku beeray halkaa kashayda
Halabiyo timo haldhaalay
Miyaan hantaytii hawaawiyay
Hamuumtiyo baahideeda
Habeen ladi waayay jiifka
Hadaan caawaba lagaaga
Hurdada meel kula ladaayo
Hadaan hanadaw ku haysto
Maxaa hadahayeen tabaaya
Halkaa laabtiyo bogayga
Hubaal adigaa ku duugan
Adaan hore kuugu dhiibo
Furaha lubigiisa haysta
Alaylahe way hagaagtay
Alaylahee heegadiina
Halkaan rabay way ku hoortay
Hayaankii muu habaabin
Samirkii kuma hungoobin
Hadafkii aan lahaana
Hubsadayoo wuu hirgalaye