Maxaan u adkaystay dhaawac
Maxaan la rafiiqay urug
Adoo ii ogsoon dhibkayga
Maxaad igu dhaaftay eebo
Anoo helistaa rajeeya
Maxaad igu tidhi odhaaho
Uurkayga ku reeba boogo
Oo xiskaygu ilaawin maalin
Qudhaad u oydo haatan
Marbaad u ahayd badhaadhe
Miyay eed qabtaa jacayl
Dareenka waqtaa idleeyay
Intaan kugu eegay dhaawac
Anoo kuu gaystay eebo
Anaa maantana is keenay
Aduunkana kuugu jecel
Insaanku gaf uu galaaye
Intaad tagtada iska dhaafto
Maantaba arinkeena ka tali
Oo adoon hibashada ku raagin
Intaad raali iga ahaato
Ilduufku marbuu dhacaaye
Maantaba ila kori jacaylka
Adaan ifka kuu jecelehe