Isma garasha dhaantaay
Maatada gumaadaay
Walaakeed gablamisaay
Gacalkeeda laaysaay
Geerida ku faraxdaay
Gayigeeda bi’isaay
Gurigeeda dumisaay
Alaabada ka gurataay
Dalshisheeye gaysaay
Golo iblays ka taliyaay
Umad wada gooracneey
galbatayee is daba qabo
Garba duub aqoontiyo
Diinta geed ku xidhataay
Xaqa gooni baadhaay
Runta tii ka gubatee
Dhalanteedu guuxdaay
Gardarada qadarisaay
Guuldarada ku nooleey
Asaageed ma gaadhaay
Bidhaan gabi ka lulataay
Golo iblays ku kaadshaay
Uma wada guracneey
galbatayee is daba qabo
Gudi hadimo xulataay
Waxaan jirin gorfeeysaay
Go’aan beena gaadhaay
Sida duul is garabsaday
Golo dhexe abuurtaay
Googaale mudataay
Carsaanyada gedeedii
Hadba gees u carartaay
Gacanteeda eedaay
Golo iblays ka taliyaay
Uma wada gooracneey
galbatayee is daba qabo