Ilhaan… waa guul ilaah
habkii la inoo gingimey
aroos loo wada guntadey
jaceyl igu gaaxdaybaa
Intuu igusoo godladey
gayaankeey kaa xushee
Guurkeenaa hagaageybaa
qalbiga farax galinayoo
xasuustaan la goohayaa
Dunida bari iyo galbeed
adaan gooniyaha arlada
intaa kaa goobi jirey
maxaan rabigey gargaar
Ducada aan kala go’ayn
gacmaha kor u taagi jirey
Gurigii waa kaa dhismoo
gugeeney nagu simee
cishqiga gaaxdiisa maal
Galadi waa deeq Ilaah
hadaan geedigii ku furey
xareed galacliyo nimcada
ubaxa geedaha ku yaal
Midhaha aan goosanoon
jaceeylka gardaadinee
Kalgacayl aan gaagaxeeyn
ayeeynu gudoonsanee
gacalo hoo ila wadaag