Ubaxayahoo bidhaamee
Oogada ka nuuraa
Eegmada jaleecada
Indhahay naxriis
Adigaa ku beeree
Onkad gala hilaaciyo
Roob arooryo da’ayaay
Agaarka beerka iyo
Wadna ilaa hirkiisa
Rabi kugu abuuree
Waad ii ahaatoo
iimaanka deeqdee
Nafta ku ogalaatee
Ifka nolashu waa adi
Amaaley waxaa tahaye
Afar iyo tobaandiyo
Ilays soo baxaayoo
Waa beri iftiimo
Aragtidaa la daawado
Ama qurux udhalataa
Allahii ku oomaaa
Caqli kugu maneesto
Waayo arag ku jacelow
Kuu oman baa ahoow
Ma’ilaawahee ku ilaashanaayee
Ku furan irmaantiyo
Soo dhawaaw ha iiloon
Ii imaaw aragee
Waad ii ahaatoo
iimaanka deeqdee
Nafta ku ogalaatee
Ifka nolashu waa adi