Kii laba dibleeyee
Qays loxodka geeyee
layla iilka dhigaybaa
Aniga i lumiyoo
Leexada i saaroo
La laamo doodee
Laydha iga qariyoo
Ifkaan u liitaa
Bal lugooyadaa daya
Intaan laba laxaadsaday
Anoo ladan aan laacoo
Aanan libin ka gaadhine
Laab raac jacaylbaa
Sida qaalin layliya
I laadlaadinaayoo
Luggo kuma agtaginee
Waxaan ahay nin luukiyay
Oo ruuga lulaayoo
Isagoo lilaahiya
Soo laaci waayee
Bal lugooyadaa daya
Intaan laba laxaadsaday
Anoo ladan aan laacoo
Aanan libin ka gaadhine
Wakaa i lumiyoo
I luufluufshay anigoo
Lahan igu abuuro
Lafta dhabarka iga jaree
Hadba ila lagdamayee
Igu laalaabanaayee
Markaan laama doodsado
Luqunta iga fuulee
Bal lugooyadaa daya
Intaan laba laxaadsaday
Anoo ladan aan laacoo
Aanan libin ka gaadhine