Inaa tahay ruux dhabeela
Dhaayaha ku arkaa qiraaya
Xataa ruuxaan ku dheehan
Dhegtu ku maqlaa fahmaysa
Inaa tahay geesi dhiiran
Damiirka maankaa saxaaya
Xataa ruuxan ku dhaadin
Dhegtuu ku maqlaa fahmaysa

Markaa socotee dhaqaaqdo
Talaabada aad dhigayso
Dhulkaa indha yeelanaya
Dhirtaa ku bariidinaysa
Markaad garta dhiidhiyayso
Eraygaad dhahdidbaa xaqiiqa
Sidaad u dhamaystirayso
Ayaan dheel dheel galaynin

Dhererka joogaga taagan
Gobaad muuqaaga dhiibsan
Asluubta iyo dhawrsanaanta
Waxaa kuu dheer ilwaadsan
Dhamow garashada hilaadsan
Marwaan kartidaada dhiiran
Hankaaga fog ee dhigaalsan
Dhigaa male hanashadaada

Exit mobile version