midabkaad lahayd shalay
muuqaalkaagii wacnaa
dhismihii macaanaa
baryihii mudnaan jiray
markan dib u jaleecaba
murugbaa i qabatoo
masanoow iyo ciilbaa
maankaygii hareeyee
waxaan ahay madluun dhiban
muraayadii dalkaygaay
manexe marna aan xishoonba
madfac kugu hogaanshoo
ma gartaa meel laga
baqaayo kaa dhigay
maruunbay lamaanuhu
masahawaadka faraxa le
is majiiran doonaan oo
idankiisuu mawlahay
muqdishaad markale noqon
munadaad ahayd iyo
magacaagii waynaa
maqalada aduunyada
ka maqsuudin jiray
markaan soo xusuustaba
mushkilad colaad iyo
mahadhiyo xanuun
mugdibaan dareemaa
muwaadinbaan ahay dilan
mansabkii awoowaa
muqalas iyo mooryaan kaa dhigay
muqdishaay meel laga
qaxaayo kaa dhigay