caashaqa muuqdee
ruuxdiyo laabta miranaaya
maanka maaxday iyo
muxubiyo qalbiga muhanaaya
maqalkiyo waa dareen ka dhashay
milicsigaagiiye
malabkiyo adaa iiga macaan
midhihii sooreede
maamuuska adigaa u qalma
milgaha nololee
adiguu marwo gob ihiyo
muhiim MAWLE kaa dhigaye
naftaydan jacaylku malmalayee
muhasho reemaysa
waxay dadku iigu mashquulaan
waa iga maan dadane
ha ii maqlin macaaneey adaa
maanka qaabilaye
dareenka magaabee xiskiyo
laabta mayracaaya
aan ka maagaayee midkalaba
midigta saaraynin
maashee waxaad ku mulkiday
ma hadho weeyaane
marnaba ani ma koobi karo
meqaamka aad leedahaye
ma jaraha dhaqankiyo hidahaad
miciin aad u tahaye
karti muujinta iyo xishoodkaan
kugu majiirtaaye