Jacaylkii markaan yaraa
Sidii mayaygii i helay
Inuu igu maarmayoo
I daayaan moodayee
Anoon maankaba ku hayn
Sowkaa igu soo mir kacay
Kii naftu maaganayd
Muuqiisa markaan arkay
Ilmadu maradayda qoysaaye
Ma guuraankii kalgacal
Maantuu igu daranyahee
Miyaan kaba maarmayaa
Xishoodbaan la maagayaa
Jacaylkii i maamulee
I mayracayee i miray
Inuu iga meerayoo
I daayaan moodayee
Anoon ka mildhaawo hayn
Sowkaa igu xidhay mareeg
Kii aan maganka u ahaa
Markaan milicsadaa
Cishqigu igu maxaanayaaye