Sida Damal Barwaaqo ah,
Webi Dacalka Kaga Yaal,
Oo ay Dushii Sare,
Duruuruhu Hadheeyeen,
Dayaxuna Dhankaa Beri,
Kaaha uga Soo Diray,
Dooggiyo Caleentuna,
Ka Dadeen Hareeraha,
Oo Aan Dabayshiyo,
Duufaanku Soo Gelin,
Dugsigiyo Gabboodkuna,
Hoostoodu Dadan Tahay,
Waad I Deeqday Anigoo,
Dumarkaan Jecleysee,
Goormaynu Derisnaa
sahra axmed
Doqon baa amaaniyo faan kuugu darartee ,
Da’dey kama qab weyniye dadka hayga saarine.
Adoon duurka soo xulin waxad uga danleedahay
Dadaaduba hamaqashee dildilaaci hadalkoo
Halkay doon kaleedahay
Maxaa heedhe kuu daran,
Goormaan dabkugu shiday?
Dabayluhu ku qaaqaadeen…
Haysdaalin adiguna anigoon wax kuu diran
Dawo kuuma noqonine
muuse ismaaciil
Dadka kaama saarine
Waa kuu dan sheegtoo
Iga daacad weeye
Deel qaaf ha moodine
Dirirkoo hilaaciyo
Sida hogol da’aysaa
Duhurkiyo habeenkii laykaa dulkeena
Lama dido jeceelkee
Boogtiisa caashaqa ha damqinee ka daayo aan is daa dahaayne
waad i deeqday anigoo haaa dumar kaa jecleystee
goormaynu derisnaa ?
sahra axmed
Alaylehee daleeliyo dibid baad ordeysa
Dibin daabyo iyo hawl haku doonan lugahee
Adoo duud shareed lihiyo
Degan dooxa iyo rays
Damac yuu ku qaadine waa daliilsan doontaa
Iminkaba isdaba qabo
Deer hayska sii ridin
Dabna ha isku sii shidin
Yuu ku dilin jaceyl kuye
Ha is daalin adiguna anigoon wax kuu diran
Dawo kuuma noqonin