Kala wacan nasiibkuye
midkeed naawilaysaa
Noocyo badan nasiibkuye
Niyadaada kee dagay
Ma nuur soo iftiimiyo
Nalka soo hilaacaa
Cideed naadinaysaa
Ma mid kuu nasteexaa
Naftaad is leeday
Waa kuu naruuroo
Nagaanshay ku siin
Bilay tahay dabiyo naar
Iyo nacabka caashaqa
Noolaha aduunyada
Yaa inuu ku naasibo
Nafta kula wadaagiyo
Aad u quudhilay nolol
Oo neef wadaagiyo
Yaa kuu nasiuma
Adna aad u nugusho
Nudahaaga yaad siin