jigjigaay gudahaaga
kol inaan yara gaadho
buuraha gunta dheerle
galab nool ku dalxiiso
naftu way ku guubaysee
GUULOW waa mahadaa
hoygii la igu gardaadshoo
gamaankii baladkeenu
gaardinaayo banaanka
geeridayda horteed
hadii GUULE i joojiyay
hurdadaan gam'ayaa dhe
si aynaan u gumoobin
geedigii lixdankiiyo
goobistii qareenkeeniyo
libintaynu gu'yaalba
geesiyaasha u waynay
inaynu wali gaadhin
taana gaar u ogaada
calankii na gargaaree
guud ahaan na mideeyay
hadii guudka la saaray
isagoo ku gadaaman
sharaftii gobolkeena
GUULOW waa mahadaa dhe
inkastoo la gumaysto
garba duuba shisheeye
gobtu liicis mooyee
jabka guul ka dhaxlaane
kol hadaan han ku guurnay
GUULOW waa mahadaa dhe
gees kastoo laga eego
dhaqankii gayigeeniyo
isirkeen guryaheeniyo
afka gaar inoo ah
kol hadaanu sal guurin
GUULOW waa mahadaa dhe