waqal sida mayay roob
oo saban barwaaqo ah
saxansaxo udgoon badan
qayrkiisa saydhiyay
biyuhuna susumayaan
rahu seexan waayoo
sawdkiisu saaranyahay
dhirtu ubaxu saaqoo
cagaarkuna ku sii daray
subax xaalku saa yahay
adigoo susumayoo
suuradaad u dhalatiyo
ku sifaysan qurux dumar
inaan sihaam ku daawado
SAATIR ha igu kaa simo
sabankoo barwaaqo ah
cadceed sii dhacaysoo
saydhisay falaadhaha
kuna saaqday geedaha
oo sow ka maqashiyo
wayraxa sacaha iyo
geelu soo dhawaadiyo
seerada la soo galay
ubadkuna ku sugayaan