xariirtii dunidaay
midaan xeer dhiganayeey
xurmaad iga mudantahoo
xaqaaga ma gudi karee
adaan raga kaa xushoo
xiskiyo maankaba dagee
intaan xabsi kugu qufulo
miyaan xero kale dagaa
xabiibi mid kale dhahaa
dadbaa jira xaasidoo
intaa xin abuurayoo
xumaan ka shaqaynayee
xanaanee caashaqoo
xerta iyo culimada u yeedho
jacaylka xirsiga u goo
wanaaga ma xoorayoo
xisaabi dareenka
xumbo iyo xiiso waa gudhaane
xadhiga u adkee camiir u adkee
xertiyo culimada u yeedho
jacaylka xirsiga u goo
hankaygaan kugu xidhoo
waxaad tahay xuural cayn
xarago ku dhamaatayoo
ildheeriyo garassho badan
xalaal dhaladaw ma huro
xilkaaga amaanta oo
xad dhaafbaan kuu jecloo
xarfaha magacaagabaan
intaa xusayaa anigu
waxa jira xiisihii
nimcooy igu kaa xidhoo
xabiibii ma maarmayee
xertiyo culimada u yeedho
jacaylka xirsiga u goo
wanaaga ma xoorayoo
xisaabi dareenka
xumbo iyo xiiso waa gudhaane
xadhiga u adkee camiir u adkee
xertiyo culimada u yeedho
jacaylka xirsiga u goo