Dhaxaad i sidatoo
adi uun ku samraayoo
Nafta kugu sasabayee
Dhaxaan sir iyo caad
waxii aad sameysaba
u sacabo tumayee
Ogow samirkii waa jiray
waa seefta goostayoo
sadkiisa dhamaadayee
In suldaanku boqoryahay
faqiir kuna saboolyahe
in sibraar muqiil yahay
oon saa’id lagu darin
ila garo Saluuglaay
Dhaxaan samaayo
sixin iyo ahaa malab
kuu yaal sintaadee
Adiguna saluuglaay
saadasha kheyrkiyo
lumineysaayee
Adiguna suleekhaay
saadasha kheyrkiyo
lumineysaayee
Ogow samirki waa jiray
waa seefta goostayoo
sadkiisa dhamaadayee
iney siigada boor tahay
saxansaxo udgoontahay
Inanyahay sidaadaba
marka hore salaan guud
oo waliba soorya ah
waa inaan ku siiyaa
Marka xiga sirteenee
saadasha wadatee
u sacaba tumayee
seetada laheydee
Aan ku xiray sibraartee
aan ku tuuray sanduuqee
muftaaxeedee suubane
saableyda hoosiyo
sanbabada agtoodiyo
wadnahaaga aan suray
Sow adigaan ka saaree
durba siiyay ruux kale
Sadarkaas kii xigaa
mid la socotka weeyaan
waa baadi sirteydoo
waxan aan ku suganahay
Walow adi aad u sidatoo
mudo aad i samreysoo
ii sama faleyso
salmadhigato ka wacantahay
Sidan aad maanta yeeshiyo
saansaanta muuqda
kaa siisan maayee
Waa maxay saluuglaay
sakaraan is dhaafsamay
sidee buu xaalka kaa yahay