xidhiidhkiyo jacaylkeena
xanaanee dareenkeena
oo xabiibi kulankeena
ila xoohi balankeena
xukun sidaha maankayga
ayaad xero ku leedahaye
xiska nugul xubiga sii bar
xaaladaha ka dhaw liiga
adoon laabta kuu xaadhay
yaan la ina kala xadin
xiskiyo bartaa maanka
ku xafido jacaylkeena
ku xushee xanaanayso
han xaruuriyood hanatay
xarumaha jacaylkeena
xaruntiisa dhex si fur
xarumaha jacaylkeena
xafiiskooda guud sii fur
si aan xadhiga dookheena
loo goynin xididkiisa
intaan guri xalaal taagno
aan xadrayno labadeenu