xildhibaanimo xaal qaado
xushmadbaan laga doonaya
hadaad xildhaaban tahaye
xeerkood ilaaliso haboon
iyo xumaha oo diido
qaar xilkaba qaadin karin
baa la soo xulaye
xildhibaanimo xaal qaado
xeebaha kuwii iibsado
waliba xuurtaysan
ayaa xudud dagaal lama hayi
waliba xeer qabanaynine
dadka kuwii xasuuqa ku jira
oo xumaha dhigaye
xabadoo dhacaysay
rabaan xoolo guuliyay
xildhibaanimo xaal qaado
amizonbay xaydaab
ugu jiran xeryo oodan
xabadahu waxay diilan
maagta xoogtaane
xinjiraha shacabkay handadiyan
kuna xashaashaane
xaafadbay kuwda noolyihiin
xamartii weyneede
xildhibaanimo xaal qaado
xaafafka nabarada qarsoon
xanafta noo laaban
xalufka ayagaa noogu wacan
xiisadaha taagan
xuquuqul adankay jabshan
xeer ma dhowraane
xurmo ma laha ruuxi
xaaran ku dhargaaye
xildhibaanimo xaal qaado
ilaa laalush xaabsadaan
xukun ma gooyane
xarbigu inuu sii socday
doonayaan tan iyo xiixaye
xaqir bay naga dhigayaan
anagoo dawlad xoog badana
barlamaan xoraan doonayna
xiisa loo qabaan doonaynaa
xaqiraay dadweynoo leedihiin
xukunku ha u maago
xaafadaha kasoo wada baxoo
sheegta xubintiina
oo xumaansada kacsado
xiisa ololeeya
ilaa xaqiina heshaan
yaan la xagal daacin