Heesta Ugbaad - Lyrics
ubax biyo ku yaalaad tihiyo qorax iftiintaaye
aynigeedna gabadhaan xushaad tahay ugbaadeey
indhaha ku doogsada kolkay adi ku dheehdaane
anigoon arooskaaga dhigin EEBE kuma qaado
EEBE ima qaado
anshaxaaga wacanbaan runtii ku istareexaaye
dhaqankiyo edebtiyo milgaha EEBAA kugu sooree
waxaad dhaaftay aadmiga kartida iyo aqoon dheeree
aduunyada ku naalood macaan waan ku aaminayee
wuu ku aaminayee
arimaha jacaylkana hortaa ruux ma caashaqinee
aayahaygaa noloshaad tahay iyo ilayskiiyee
i ilaali axad kale ifkani ii cuntami maayee
af madaw ilkaha siman timaha adhaxda gaadhay
dhererka indhaha wayn kubkiyo qaab abuurkaaga
CASIISkaa idleeyoo ma arag iin aad leedahayee
aaga faafan inan laga helaa sow adiga maaha
aqalkaad ku ababtaa ahaa baydkii awliyee
asal dhalad waxaad tahay runtii ahlu khayrkiiyee
isir raacday hooyadaa dul badan aabo kuu dirane
aniguna ayaan qudha ma lado adi la'aantaaye