sida daruur hogatay
hilaaceedu biligay
roobkuna hanqarayoo
hanaan isu haysta
haleelay karin iyo daalo
hawadiyo laydha caafimaad
hada luxanayaan laamuhu
halkay xareedu goglatoo
lagu soo hirtaayoo
dadkuna u hayaamayaan
sida habeno nagu wayn
hiyigiyo laabta noogu yaal
hargaysa la isu soo baxoo
loo heesayo calankoo
farxada lala hurdi waayay
tan iyo hiirta waabari
hawraarsan murti hufan
heeladiyo saylaci
hagaag la isula helaayoo
hubaal salal iyo awdal
haqab tirinteeniyo beero
xag hore badu kaga beegantay
xiis iyo maydh hogoshu qarisay
laaguna hoos kaga muuqdee
humaaga bilicsanee
indhuhu kuu hawlanoo
dunidaba lagaa helayn
sida loogu hanwaynyahay
naftaydu kugu hamisaaye
hadaf qudha lagu mid yahay
la isu wada hiilinayo
midna la haqiraynoo
hor ALLEE hogaanku yahay
waa hodan dhulkeeniyo
haluhuna inoo irmaan
ku hafani maayee
i hobsii caashaqa
holaabi ila dheele
ana inta hogooginayo
hablaha maanta jooga
ubaxeey adaa u horeeya
haduu gabi hadh soo rogo ee
hoosku galbeedku hadhaaye
ragana hormuudkiibaad tahay
kaafiyow hormuudkiibaa tahay
ana inta hagooganiyo
haduu gabi hadh soo rogo ee
hablaha maanta jooga
hoos galbeedku wuu hadhaaye
ubuxeey adaa u horeeya
kaafiyow hormuudkiibaad tahay