Intay raarka dunidiyo
Dadabteedu taagnayd
Rag wuxuu amaan dumar
Kalgacaylka deexdee
Ku daleeyay tixa iyo
Dabuub iyo farshaxan gabay
Marka la isku soo daro
Amaantaada dacal iyo
Bad hadhuub la daray iyo
Dulmar bay ka tahayoo
Run markaan la diidayn
Haldoorkii haweenkaay
Adaa daalac sii dheer
Indha daymo sugashada
Hubqaadkaaga daawaday
Daraandare qushuucoo
Aduun bay ku doonaan
Dhaqankii dadkaagiyo
Hidihii dirkaagee
Dawgii uu ku toosnaa
Kama duwin ku dayashoo
Durbaanada galbeedkiyo
Kuma duufsan beentay
Ku lumeen da,daayoo
Huga darayo muusiyo
Subeeciyada liigiyo
Diilimo qurxoon loo
Tidiciyo bul loo dabay
Ka laalada darafyada
Daganeey ka xidhantoo
Indha daymo sugashada
Hubqaadkaaga daawaday
Daraandare qushuucoo
Aduun bay ku doonaan