sidii garyaqaan garaadbadanbaan
jacaylka gu'yaal gardaadinayoo
guhaadiyo caashaqaan kala guray
garawshiyahaba nimaan garan jirin
ayaa gaf dhacay gudoon ka baxshoo
googaa cigale ka soo gudubnee
anaa gabal daye gobaariyo nacas
quruxda igu gaara goosan karayn
GUULOOW ha i badin waxaan ku gabyaba
gobtii qarankaan gayaan ka heloo
gurigii dhaqankaa arooriyo galab
labada galinba gogoshu ii taal
giraanta wareegta goor la arkaba
nolosha guradiyo gadaanka u sudhan
gadaaliyo hore dhan geedigu jiro
hadiyo goor nimaan go'aan ku lahayn
ama gam'ayoo gadaaba la socan
naftuu gabaybaa canaan ku gubtee
guhaan kalgacaylka gaadh ka hayow
guuraha nacabkana gurays ka arkaa
nasiib gacantayda soo galiyee